Bortida portlovchi uskuna borligi taxmin qilingan EgyptAir samolyoti Urganch aerportiga favqulodda qo‘ndi

Misrning EgyptAir aviakompaniyasiga tegishli va “Qohira — Pekin” (MS955 reysi) yo‘nalishi bo‘ylab parvoz qilayotgan A-330-220 avialayneri Urganch aeroportiga favqulodda qo‘nishni amalga oshirdi, deya xabar bermoqda “Gazeta.uz”.

Foto: “Gazeta.uz”

“O‘zbekiston havo yo‘llari” milliy aviakompaniyasi matbuot xizmati xabariga ko‘ra , O‘zbekiston aviatsiya rasmiylari samolyot bortida portlovchi uskuna mavjudligi ehtimoli munosabati bilan favqulodda qo‘nish haqida iltimos olgan.
Hozirgi vaqtda samolyot xavfsiz hududda turibdi. Samolyot ekipajining 17 nafar a’zosi va 118 nafar yo‘lovchisi evakuatsiya qilingan. Tegishli xizmatlar havo kemasini ko‘zdan kechirib, tekshiruvdan o‘tkazmoqda.
“Gazeta.uz” manbalarining ma’lum qilishicha, Urganch aeroporti hozirgi vaqtda samolyotlar qabuli va uchib ketishi uchun yopilgan.
Batafsil | Подробно | Read more... Daryo