Buffon, Zidan va Ronaldu Yevropa chempionatlarining barcha davrlardagi ramziy jamoasiga kiritildi

Portugaliya terma jamoasi hujumchisi Krishtianu Ronaldu, fransiyalik sobiq futbolchi va ayni damda “Real” ustozi Zinedin Zidan hamda Italiya termasi posboni Janluiji Buffon muxlislar talqini bo‘yicha Yevropa chempionatlarining barcha davrlardagi ramziy terma jamoasidan joy oldi. Bu haqda UEFA rasmiy saytiga tayanib, “TASS” xabar bermoqda .

Skrinshot: UEFA

So‘rovnomada qatnashgan futbol muxlislari 1960-yildan buyon to‘rt yilda bir marta o‘tkaziladigan Yevropa chempionatida ishtirok etgan va yorqin o‘yinlari bilan ajralib turgan 50 nafar nomzod orasidan eng yaxshilarini tanladi.
Quyida Yevropa chempionatlarining barcha davrlardagi ramziy terma jamoasidan o‘rin olgan futbolchilar bilan tanishing.
Darvozabon: Janluiji Buffon (Italiya).
Himoyachilar: Frans Bekkenbauer, Filipp Lam (ikkalasi Germaniya), Karles Puyol (Ispaniya), Paolo Maldini (Italiya).
Yarim himoyachilar: Zinedin Zidan (Fransiya), Andrea Pirlo (Italiya), Andres Inyesta (Ispaniya);
Hujumchilar: Krishtianu Ronaldu (Portugaliya), Marko van Basten (Gollandiya), Tyerri Anri (Fransiya).

Foto: “Euro2016.com”


Batafsil | Подробно | Read more... Daryo