Klinton g‘alabani nishonlab, o‘zini AQSh prezidentligi uchun birinchi ayol nomzod deb atamoqda

AQSh sobiq davlat kotibi va sobiq birinchi xonimi Hillari Klinton 7-iyun, seshanba kuni AQSh prezidentlik lavozimi uchun kurashda Demokratik partiyadan raqibi, Vermont shtati senatori Berni Sanders ustidan g‘alaba qozonganligini nishonladi. Bu haqda “TASS” xabar bermoqda .

Foto: EPA

Klinton beshta shtatdan ikkitasida g‘alaba qozondi, birida senator bilan teng ovoz to‘plagan, yana birida esa katta farq bilan yetakchilik qilmoqda. Sanders faqat bitta shtatda g‘alaba qozondi.
AQSh sobiq davlat kotibi Nyu-Meksiko, Nyu-Jersi va Janubiy Dakotada zafar quchdi. Kaliforniyada 34 foiz ovozlar hisoblab chiqilganda, u saylovchilarning 61,8 foiz ovozini to‘pladi, uning raqibi uchun 37,1 foiz ovoz berilgan. Aynan ushbu shtatdan AQSh prezidentlik lavozimi uchun rasman nomzod e’lon qilinadigan demokratlarning milliy syezdiga 546 nafar delegat yo‘l oladi.
“Biz muhim bosqichga erishdik — mamlakatimiz tarixida ilk bor ayol kishi AQSh prezidentlik lavozimi uchun yirik partiyaning nomzodiga aylanadi”, — deya ta’kidladi Hillari Klinton.
Batafsil | Подробно | Read more... Daryo