Isroillik olimlar teri hujayralaridan yurak to‘qimalarini yaratdi

Isroilning “Rambam” tibbiyot markazi mutaxassislari teri hujayralaridan yurak to‘qimasini yaratdi, deya xabar bermoqda “TASS”.

Foto: “TASS”

Haaretz gazetasi yozishicha, ushbu tajribaning qimmati shundan iboratki, gen injeneriyasi yordamida yaratilgan to‘qima bemorning o‘zida aniqlangan nuqsonlarga ega. “Bu irsiy yurak kasalliklarini o‘rganish va ularga qarshi kurash uchun samarali vositalarni ishlab chiqish imkonini beradi”, — deyiladi xabarda.
G‘oya shundan iboratki, bemorda infarkt bo‘lsa, bunday hujayralarni yurakning zarar ko‘rgan qismiga implantatsiya qilish mumkin bo‘ladi.
Shu bilan birga, tadqiqotchilar bemorning terisidan o‘stirilgan  yurak to‘qimasi hujayralari bemorning yuragi hujayralarida mavjud bo‘lgan risklarga ega ekanligini aniqladi. Bunda gap aritmiya, yurakning kutilmaganda to‘xtab qolishi va kichik yoshdagi o‘lim kabi kasalliklar haqida bormoqda.
Batafsil | Подробно | Read more... Daryo