Muhammad Ali bilan vidolashuv marosimiga bepul chiptalarni internet orqali pullashmoqda

Afsonaviy bokschi Muhammad Ali bilan 10-iyun kuni “Key-ef-si Yam” arenasida bo‘lib o‘tadigan vidolashuv marosimiga bepul chiptalar internetda faol ravishda sotilmoqda, deb yozadi “TASS”.

Foto: AP

Motam tadbirlari 9—10-iyun kunlari o‘tkaziladi. Luisvilldagi 15 ming kishiga mo‘ljallangan “Key-ef-si Yam” arenasida ikkinchi xotira ibodatini o‘tkazish rejalashtirilgan. Alining o‘z vafotiga qadar bildirgan istagiga ko‘ra, motam marosimiga chiptalar bepul tarqatildi. Ular bir soat ichida tarqatib bo‘lindi.
Ammo chiptalarni qo‘lga kiritgan ba’zi uddaburonlar ularni sotishga qaror qildi. Har bitta chipta uchun taxminan 50 dollar so‘rashmoqda. Marhumning oilasi vakili Bob Gannel bunday xatti-harakatlarni “achinarli” deb atadi va Alining iste’dodi muxlislari afsonaviy bokschi bilan vidolashish uchun pul to‘lashdan bosh tortishiga umid qildi.
Batafsil | Подробно | Read more... Daryo