30 o‘yindan buyon mag‘lub bo‘lmayotgan “Lokomotiv” mavsumdagi eng yirik g‘alabasini qo‘lga kiritdi

Osiyo Chempionlar Ligasining chorak finaliga qur’a tashlash marosimidan bir kun oldin, aniqrog‘i, 8-iyun sanasida Toshkentning “Lokomotiv” klubi mavsumdagi eng yirik g‘alabasini tantana qildi.

Foto: “Lokomotiv” FK matbuot xizmati



Toshkentda “Lokomotiv” futbolchilari bemor bolalarga sovg‘alar ulashdi (foto)


“Lokomotiv” sayti klub futbolchilarining farzandlari fotosuratlarini e’lon qildi (foto)


O‘zbekiston Kubogi 1/8 finalining javob uchrashuvida “O‘zDongJu” klubini qabul qilgan “Lokomotiv” 9:0 hisobida zafar quchdi. Bu bilan “temiryo‘lchilar” mag‘lubiyatsiz o‘yinlari seriyasini 30 taga yetkazib oldi.
Qayd etish kerak, Andijonda bo‘lib o‘tgan birinchi uchrashuvda “Lokomotiv” 4:1 hisobida zafar quchgandi. Ikki o‘yin natijasiga ko‘ra “O‘zDongJu” darvozasiga 13 bor yo‘l topgan jamoa O‘zbekiston Kubogining chorak finalida “Mash’al” bilan to‘qnash keladi .
“Championat.asia” ma’lumotiga ko‘ra , “Lokomotiv” so‘nggi bor 2015-yilning 12-sentabr kuni “Paxtakor”ga 1:2 hisobida imkoniyatni boy bergan. Shundan keyin o‘tkazilgan barcha musobaqalardagi 30 ta bellashuvning 7 tasida durang o‘ynagan va 23 tasida zafar quchgan.
Osiyo Chempionlar Ligasining 2016-yilgi mavsumida chorak finalga qadar yetib borgan “Lokomotiv” bugun, 9-iyun kuni navbatdagi raqibi nomini bilib oladi. Bu yo‘lda Qatarning “Al-Jaish” yoki BAAning “An-Nasr”, “Al-Ayn” klublaridan biri “Lokomotiv”ga raqib bo‘lishi mumkin.


“Bunyodkor” stadionidagi qora an’ana “Lokomotiv” tomonidan yo‘qqa chiqarildi



Rasm: OFK rasmiy sayti



“Lokomotiv” o‘z tarixida ilk bor OChL chorak finaliga chiqdi


“Lokomotiv” Osiyo Chempionlar Ligasining o‘zidan hozircha 240 ming AQSh dollari ishlab topdi


Osiyo qit’asi klublarining eng nufuzli musobaqasi chorak finaliga qur’a tashlash marosimi 9-iyun kuni 12:30 dan boshlab O‘zMTRKning “Sport” telekanalida to‘g‘ridan-to‘g‘ri namoyish etiladi .
O‘zbekiston Kubogi
1/8 final. Javob uchrashuvi
8-iyun, chorshanba
“Lokomotiv” — “O‘zDongJu” 9:0
Gollar: Quvondiq Ro‘ziyev, 10 (1:0). Doniyor Usmonov, 37 (2:0). Ikrom Aliboyev, 44 (3:0). Sardor Mirzayev, 50 (4:0). Timur Kapadze, 63 (5:0). Ivan Nagayev, 72 (6:0). Temurxo‘ja Abduxoliqov, 77 (7:0). Ivan Nagayev, 82 (8:0). Ivan Nagayev, 88 (9:0).
Dastlabki uchrashuv: 4 :1
Batafsil | Подробно | Read more... Daryo