Kanada poytaxti markazidagi ko‘chaning bir qismi yer ostiga qulab tushdi

Kanada poytaxti markazidagi Rido-strit ko‘chasida 8-iyun, chorshanba kuni yer o‘pirilishi sodir bo‘ldi. U gazning sirqib chiqishi, elektr energiyaning o‘chirilishi va yaqin atrofda joylashgan binolardagi odamlarning evakuatsiya qilinishiga olib keldi. Bu haqda, National Post ma’lumotiga tayanib, “RBK” xabar berdi .

Foto: Reuters

Favqulodda hodisa mahalliy vaqt bo‘yicha tonggi 10 ga yaqin yuz berdi. Dastlab kichik o‘pirilgan yer, tezda Rido-stritning barcha to‘rt qatoriga tarqaldi va bir avtomobil ham chuqurga tushib ketdi.
Politsiyaning ma’lum qilishicha, ko‘chaning bir qismi qulab tushgan katta chuqur magistral suv quvurining yorilishi oqibatida yuzaga kelgan. U, shuningdek, gazning sirqib chiqishiga olib keldi, oqibatda Rideau savdo markazi va Westin mehmonxonasi evakuatsiya qilindi.
Ottava markazidagi ko‘chalarda harakatlanish qiyinlashdi, shahar transporti boshqa yo‘nalishlar bo‘yicha yo‘naltirildi. Ottava elektr tarmoqlarining ma’lum qilishicha, elektr ta’minoti Rido, Besserer, Nikolas, Vellington va Sasseks tumanlarida o‘chirilgan.
Ottava rasmiylari hodisa yuzasidan favqulodda majlis chaqirdi. Uning natijalariga ko‘ra, Kanada poytaxti meri Jim Uotson jurnalistlarga hukumat Rido-stritdagi o‘pirilishni bartaraf etish uchun barcha imkoniyatlarni ishga solayotganligini ma’lum qildi.
Batafsil | Подробно | Read more... Daryo