China Leasing Group 7 yilligini nishonlamoqda

12-iyun kuni China Leasing Group lizing xizmatlari bozoridagi faoliyatining 7 yilligini nishonlaydi.

Foto: China Leasing Group

O‘z tajribasiga tayanib, kompaniya dolzarb vazifa sifatida — biznesmenlarning vaqtlarini tejagan holda minimal moliyaviy investitsiyalar hisobiga ishlab chiqarish uchun asosiy vositalarni qo‘lga kiritish imkoniyatini yaratgan.
Kompaniya muvaffaqiyatining negizi — mijozlarni birinchi uchrashuvdan boshlab, kelishuvning keyingi bosqichlarida ham qo‘llab-quvvatlashdan iborat. Korporativ ruh va birdamlik, bilim va tajriba saviyasi, sheriklar bilan o‘rnatilgan do‘stona va o‘zaro ishonchli munosabatlar, qo‘yilgan masalalarni hal qilishga, xizmat sifatini raqobatbardosh darajada rivojlantirishga va ishonch bilan kelajakka qarashga asos beradi.

Foto: China Leasing Group

Yaqin vaqtgacha kompaniya faqat O‘zbek-Xitoy Savdo Uyining maxsus va qurilish texnikalarini lizingga berar edi. Kiritilgan o‘zgartirishlar natijasida 2016-yilning boshidan kompaniya O‘zbekistonning barcha hududlarida, har qanday ta’minotchi va lizingning turli shakllari, shu jumladan back-leasing bilan ishlashni boshlab yubordi.
Kompaniya faoliyati davomida, jami 45,8 milliard so‘mlik mulk qiymatiga ega bo‘lgan 204 ta loyihani moliyalashtirgan. Iqtisodiyotning turli jabhalarida faoliyat yuritayotgan 148 ta tashkilot kompaniyaning mijozlari qatoriga kirdi.
O‘zbekiston Lizing beruvchilar Uyushmasining 2015-yil natijalari reytingiga muvofiq CLG 100% shaxsiy sarmoyali lizing kompaniyasi sifatida investitsiyalari bo‘yicha birinchi o‘rinni egalladi va shaxsiy lizing tashkilotlari o‘rtasida portfel qiymati bo‘yicha TOP-3 kirdi.
Mijozlarga xizmat ko‘rsatishni takomillashtirish maqsadida kompaniya yengillashtirilgan hujjat yig‘ish sharoitlarini yaratdi. Ushbu sharoitlarni asosiy ustunligi — lizing shartnomasini 3 kun ichida tuzishga imkon berishidir.

Foto: China Leasing Group

Lizing bozori salohiyati o‘sish imkoniyatini yaratib berayotganligini inobatga olib, kompaniya Respublikaning investitsion loyihalarida ishtirokini kengaytirgan holda, jadal rivojlanishda davom etmoqda.
“Lizing kompaniyasining 7 yillik faoliyat — barqarorlik va o‘rnatilgan an’analari to‘g‘risida dalolat beradigan muddatdir. Jamoaning kasbiy mahorati, kelishib ishlashi biznesning to‘g‘ri strategiyasini rivojlantirishga va ustuvor yo‘nalishlarini aniqlashga imkon beradi. Davr talabi bilan hamohang bo‘lib, biz doim o‘z bilimlarimizni takomillashtiramiz va oldimizga ulkan maqsadlar qo‘yamiz”, — deydi China Leasing Group’ning bosh direktori Ulug‘bek Xudayberdiyev.
Kompaniya to‘g‘risida: China Leasing Group 2009-yilning iyun oyida ro‘yxatga olingan. 2016-yil boshidan kompaniya har qanday ta’minotchilar bilan ishlamoqda va back-leasing xizmatini ko‘rsatishga tayyor.
Reklama huquqi asosida
Batafsil | Подробно | Read more... Daryo