Rossiyaning Su-27 qiruvchi samolyoti aerodromga qaytish chog‘ida halokatga uchradi

Rossiya harbiy-koinot kuchlarining Su-27 qiruvchi samolyoti Moskva viloyatidagi aerodromga qaytish chog‘ida halokatga uchradi. Bu haqda Rossiya mudofaa vazirligi matbuot xizmati ma’lum qildi, deya xabar bermoqda “TASS”.

Foto: “TASS”

“9-iyun, payshanba kuni Moskva vaqti bilan soat 10:25 (Toshkent vaqti bilan 12:25) da rejali parvozdan so‘ng Moskva viloyatidagi aerodromga qaytish chog‘ida Rossiya HKK Su-27 samolyoti quladi. Uchuvchi halok bo‘lgan. Parvoz jangovar qurilmalarsiz amalga oshirilgandi”, — deyiladi matbuot xizmati xabarida.
Hodisa joyida vayronagarchiliklar yo‘q, mazkur manzilda mudofaa vazirligi komissiyasi ishlamoqda. Mintaqa kuch tizimlaridagi manbaning bildirishicha, halokatga uchragan samolyot “Russkiye vityazi” parvoz guruhiga tegishli bo‘lgan, uni mayor Sergey Yeremenko boshqargan.
Dastlabki taxminlarga ko‘ra, qiruvchi halokatiga texnik nosozlik sabab bo‘lgan. Uchuvchi samolyotni aholi punktidan chetga olib o‘tish uchun zarur barcha harakatlarni amalga oshirgan.
Batafsil | Подробно | Read more... Daryo