AQSh moliya vazirligi suddan Apple va Samsung’ning patentlar bo‘yicha tortishuvini qayta ko‘rib chiqishni so‘radi

AQSh moliya vazirligi mamlakat oliy sudiga murojaat etib, Apple va Samsung kompaniyalarining patent bahsiga doir ishni qayta ko‘rib chiqish uchun birinchi instansiya sudiga yuborishni so‘radi. Bu haqda, Reuters’ga asoslanib, “Vedomosti” xabar bermoqda .

Foto: Daily Tech

2014-yil mayida hakamlar Samsung Apple’ning uchta patenti, shu jumladan, telefonni blokdan chiqarishda qo‘llanadigan slide to unlock texnologiyasidan noqonuniy foydalanmoqda, degan xulosaga keldi. Janubiy Koreya kompaniyasi amerikalik da’vogarga 119,6 million dollar tovon puli to‘lashi  belgilandi . O‘z navbatida, Apple ham Samsung’ning raqamli foto va videofayllarni siqish patentini buzganlikda aybdor deb topilib, raqibiga 158 ming dollar to‘laydigan bo‘ldi.
Keyinchalik Samsung’ning jarima to‘lashi haqidagi qaror bekor qilindi . Sud, shuningdek, Apple Samsung’ga 158 ming dollar to‘lashi bilan bog‘liq qarorni kuchda qoldirdi. Buni Samsung vakili “ulkan g‘alaba” deb baholadi, Apple matbuot kotibi esa biror izoh berishdan bosh tortdi.
Moliya vazirligi Samsung o‘z argumentlarini asoslashga yetarli dalil keltirganiga shubha qilmoqda.
Batafsil | Подробно | Read more... Daryo