Putin Rossiyada “Disneylend”ga o‘xshash 4 mlrd dollarlik majmua qurilishini ma’qulladi

Rossiyaning Kaluga viloyati gubernatori Anatoliy Artamonov Rossiya prezidenti bilan ishchi uchrashuv chog‘ida Moskva viloyati bilan chegarada quriladigan oilaviy dam olish maskani loyihasini taqdim etdi, deb yozadi “Vesti”.

Foto: “Vesti”

“Rossiyaning sehrli olami” majmuasi bir nechta mavzuli bog‘lardan iborat bo‘lib, ulardan birida, masalan, bolalar interfaol, o‘rgatuvchi dasturlar bilan shug‘ullanishi mumkin. Majmua hududida mehmonxonalar, dunyodagi eng katta akvapark quriladi.
Artamonov prezidentga ma’lum qilishicha, loyiha qiymati 4 milliard dollarga baholanmoqda.
“Investorlar bunda davlat ishtirokini talab qilmayapti, ular shunchaki loyiha ma’qullanishiga ishonch hosil qilmoqchi. Biz o‘z tomonimizdan, albatta, uni ma’qulladik. Siz ham qo‘llab-quvvatlasangiz, ularda ishonch ko‘proq bo‘lardi”, — deya aniqlik kiritdi gubernator.
“Albatta, mamnuniyat bilan”, — deya ta’kidladi Rossiya prezidenti.
Batafsil | Подробно | Read more... Daryo