Boliviyada prezidentning o‘g‘li borligi haqidagi dalillarni soxtalashtirgan 5 kishi qo‘lga olindi

Boliviya huquq-tartibot idoralari mamlakat prezidenti Evo Moralesning o‘g‘li borligi haqidagi dalillarni soxtalashtirishda gumon qilinayotgan besh kishini qo‘lga oldi. Bu haqda respublika prokurori Ramiro Gerrero ma’lum qildi, deya xabar beradi “TASS”.

Foto: EPA

Prokurorning aytishicha, hibsga olinganlar sud jarayoni chog‘ida begona bolaning davlat rahbari va uning sobiq jazmani Gabriela Sapataning o‘g‘li ekanligini da’vo qilgan.
“Biz bolaning haqiqiy ota-onasi kimligi va qayerda yashashini aniqladik”, — deb ta’kidlagan Gerrero.
Tergov manbalariga ko‘ra, Sapataning uch qarindoshi juftlikka farzandlari sudya oldida Moralesning o‘g‘li sifatida turishi uchun 5 mingdan 15 ming dollargacha to‘lagan. Bola unga sudda ota-onasi haqidagi savollarga qanday javob berishi kerakligini o‘rgatishganini tasdiqlagan.
Batafsil | Подробно | Read more... Daryo