Toshkentlik erkak rafiqasiga 7,5 ming dona atirguldan iborat guldasta sovg‘a qildi

Ijtimoiy tarmoqlarda 7500 dona atirgullardan iborat ulkan guldastaning suratlari tarqaldi, deya xabar bermoqda “Darakchi.uz”.

Foto: “Darakchi.uz”

Mazkur suratni internetga joylagan foydalanuvchi uni quyidagicha izohladi:
“Bugun mening qo‘shnim o‘z rafiqasining tug‘ilgan kuniga mana shunday chiroyli guldastani sovg‘a qildi. Guldasta 7500 dona atirguldan iborat. Yashang, qo‘shni! Har bir ayolga mana shunday guldasta sovg‘a qilinishini tilayman!”
Ulkan guldastaning suratlari internet foydalanuvchilari tomonidan keng muhokama qilindi. Kimdir guldasta sovg‘a qilinayotgan ayolga havas qilishini aytsa, yana kimdir “bunday katta guldastaning o‘rniga boshqa sovg‘a bersa bo‘lardi” qabilidagi izohlarni yozib qoldirmoqda.
Ma’lumotlarga ko‘ra, bunday ulkan guldastaning narxi salkam 8 million so‘mni tashkil etadi.
Batafsil | Подробно | Read more... Daryo