“Hukumat bolalar nigohida” veb-sayti ishga tushirildi

O‘zbekiston Respublikasi Hukumat portali doirasida “Hukumat bolalar nigohida” veb-sayti ( www.kids.gov.uz ) ishga tushirildi. Bu haqda portal xabar bermoqda . 

Foto: O‘zbekiston Respublikasi Hukumat portali

Mazkur veb-sayt 2016-yil mamlakatda “Sog‘lom ona va bola yili” deb e’lon qilinganligi munosabati bilan hamda axborot-kommunikatsiya texnologiyalarini amaliyotga keng joriy etgan holda bolalarni O‘zbekiston to‘g‘risida umumiy ma’lumotlar bilan yaqindan tanishtirish, ularning siyosiy va huquqiy bilimlarini shakllantirish maqsadida yaratildi.
Veb-sayt 6—12 yoshdagi bolalar uchun mo‘ljallangan bo‘lib, boshlang‘ich sinf o‘quvchilari dars jarayonida foydalanishi mumkin. Unda O‘zbekiston hamda O‘zbekiston Respublikasi davlat hokimiyati tizimi to‘g‘risidagi umumiy ma’lumotlar sodda matnlar va rasmlar yordamida tasvirlab berilgan.
“Hukumat bolalar nigohida” veb-sayti O‘zbekistonda ishlab chiqilgan shu turkumdagi ilk loyiha bo‘lganligi sababli u kelajakda kelib tushgan takliflar asosida yanada boyitib va takomillashtirib borilishi nazarda tutilgan.
Batafsil | Подробно | Read more... Daryo