Dunyodagi eng qimmatbaho 10 ta uy (foto)

Barchamizga ma’lumki, uylar qimmat yoki juda qimmat bo‘lishi mumkin. Nafaqat eng qimmat, balki eng qiziqarli va jozibador o‘nta uy suratini “Interesno” taqdim etadi :
10. Four Fairfield Pond. AQSh, Nyu-York — 133 million dollar

Foto: interesno

29 ta yotoqxonaga ega ushbu uy 25 gektardan ortiq maydonni egallagan bo‘lib, o‘zining shaxsiy elektr stansiyasiga ega. Uy egasi Renco kompaniyasi sohibi Ayra Rennertdir.

Foto: interesno


Beverly House. AQSh, Kaliforniya — 135 million dollar

Foto: interesno



Qachonlardir gazeta magnati Rendolf Xyorstga qarashli bo‘lgan mashhur dang‘illama hovli. Unda 29 ta yotoqxona, katta kutubxona, bilyard xonasi mavjud. Shuningdek, uning hududidan uchta basseyn, tennis korti, shaxsiy kinoteatr va tungi klub ham joy olgan.

Foto: interesno


Ellison Estate. AQSh, Kaliforniya — 200 million dollar

Foto: interesno



Oracle kompaniyasining asoschilaridan biri – Larri Ellisonga qarashli, o‘ntadan ortiq binoni o‘z ichiga olgan ushbu majmua to‘qqiz gektar maydonda joylashgan. Bu yerda, hattoki, sun’iy ko‘l va Xitoy karplari bo‘lgan hovuz ham mavjud.

Foto: interesno


Villa Leapolda. Fransiya — 457 million dollar

Foto: interesno



Ushbu hashamatli villa 1902-yilda Belgiya qiroli Leopold II uchun qurilgan. Uning hududida 1200 ta kiparis, zaytun, limon va apelsin daraxtlari mavjud bo‘lib, ularni 50 ta bog‘bon parvarish qiladi. Uy sohibi braziliyalik saxovatpesha Lili Safradir.

Foto: interesno


Fleur de Lys. AQSh, Kaliforniya — 760 million dollar

Foto: interesno



2002-yilda qurilgan ushbu koshona 12 ta yotoqxona va 15 ta hammomga ega. Uyning o‘ziga xos jihatlaridan biri – uning 300 kvadrat metr maydonda joylashgan vino saqlanadigan yerto‘laga ega ekanligidir. Uy Maykl Milkenga qarashlidir.

Foto: interesno


Hala Ranch. AQSh, Kolorado — 821 million dollar

Foto: interesno



Qachonlardir bu uy AQShda sotilgan eng qimmat uy bo‘lgan. 2006-yilda uni saudiyalik shahzoda Bandar bin Sulton sotgan. O‘shanda uy 135 million dollarga baholangan edi. Uning hozirgi egasi milliarder Jon Polsondir. Uy 15 ta yotoqxona va 16 ta hammomga ega.

Foto: interesno


Maison de L’Amitie. AQSh, Florida — 913 million dollar

Foto: interesno



Yaqingacha bu uy amerikalik milliarder Donald Trampga tegishli edi. Biroq 2008-yilda uni rossiyalik tadbirkor Dmitriy Ribolovlev 95 million dollarga xarid qildi. Uyning maydoni 5,5 ming kvadrat metrdan ortiq bo‘lib, u 2,5 gektar hududda joylashgan. 15 ta yotoqxona va 15 ta hammomni o‘z ichiga oladi. Rasmlar galereyasi Vinsent Van Gog, Pablo Pikasso va Klod Mone kabi mashhur rassomlarning asarlarini o‘z ichiga oluvchi boy kolleksiyaga ega.

Foto: interesno


The Pinnacle. AQSh, Montana — 944 million dollar

Foto: interesno



Badavlat kishilarning golf o‘ynashi va chang‘i uchishi uchun mo‘ljallangan eng qimmat mulk bo‘lib, u isitiluvchi pol, ko‘plab basseynlar, trenajyor zali va vino saqlanuvchi yerto‘lasiga ega. Uy sohibi Edra va Tim Bliksetlardir.

Foto: interesno


Upper Phillimore Gardens. Buyuk Britaniya, London — 980 million dollar.

Foto: interesno



Ukraina sobiq prezidenti Kuchmaning qizi Yelena Pinchukka qarashli ushbu besh qavatli uy o‘nta yotoqxona, yer ostida joylashgan yopiq basseyn, kinoteatr, sauna va trenajyor zaliga ega.

Foto: interesno

1.Antillia. Hindiston, Mumbay — 1 milliard dollar

Foto: interesno

Ushbu 27 qavatli koshona 168 avtomobilga mo‘ljallangan olti yarusli avtomobil to‘xtash joyi, trenajyor zaliga ega bo‘lgan alohida fitnes-qavat, jakuzi, raqs zali joylashgan qavat, bir necha qavatlarda joylashgan yotoqxona va hammomlar va hattoki to‘rt qavatli bog‘ga ega. Uy sohibi hindistonlik multimilliarder Mukesh Ambanidir.

Foto: interesno


Batafsil | Подробно | Read more... Daryo