Tunis xavfsizlik kuchlari mamlakat g‘arbida olti terrorchini qo‘lga oldi

Tunis milliy gvardiyasining terrorchilikka qarshi kurash bo‘yicha bo‘linmasi Kaserin tumanida olti nafar xavfli terrorchini qo‘lga oldi, deya xabar bermoqda “TASS” respublika ichki ishlar vazirligiga tayanib.

Foto: “RIA Novosti”

“Qo‘lga olinganlar Sidi-Buzid va Kaserin hududlaridagi tog‘li joylarga yashiringan jangarilarni moddiy-texnik ta’minot, moliyaviy ko‘mak va transport vositalari bilan ta’minlab turgan, bunda ular avtomobil va motosikllardan foydalangan. Operatsiya chog‘ida terrorchilardan harbiy patrullar harakatlanishi haqidagi ma’lumotlardan iborat hujjatlar olib qo‘yildi”, — deyiladi IIV xabarida.
Ayni paytda respublikaning ko‘plab hududlarida aksilterrorchilik operatsiyalari o‘tkazilmoqda. Butun mamlakat hududida favqulodda holat rejimi amal qilmoqda.
Batafsil | Подробно | Read more... Daryo