O‘zbekistonning ba’zi raqamli va kabel televideniye kompaniyalari Yevro—2016 uchrashuvlari translyatsiyasi vaqtida Rossiyaning “Match TV” telekanalida O‘zbekistonning UzReport-TV telekanali kadrlarini uzatmoqda. Bu haqda ommabop messenjerlardagi guruhlarda, ijtimoiy tarmoqlarda, xususan, Facebook’dagi “Potrebitel.uz” guruhida xabar qoldirilgan .
Foto: “Daryo”
Rossiyaning “Match TV” telekanali ham, O‘zbekistonning UzReport-TV telekanali ham futbol bo‘yicha 2016-yilgi Yevropa chempionati uchrashuvlarini translyatsiya qilmoqda. “Match TV”da uchrashuvlarni rossiyalik mashhur sharhlovchilar sharhlab borayotgan bo‘lsa, UzReport-TV’dagi sharhlarda aktyor, rejissor, havaskor futbolchi Alisher Uzoqov , O‘zbekiston Futbol Federatsiyasi matbuot kotibi Sanjar Rizayev, o‘tmishning mashhur futbolchilaridan biri Azamat Abduraimov qatnashmoqda, shuningdek, rossiyalik taniqli sharhlovchi Aleksandr Yelagin ham ba’zi uchrashuvlarni UzReport-TV’da sharhlashi kutilmoqda .
Foydalanuvchilarning ma’lum qilishicha, UzDigital-TV kompaniyasi aynan Yevro—2016 uchrashuvlari translyatsiyasi vaqtida “Match TV”ning namoyishini vaqtincha to‘xtatib, uning diapazonida UzReport-TV telekanalini retranslyatsiya qilmoqda. Vaholanki, UzReport-TV telekanali UzDigital-TV’ning telekanallar paketida alohida ko‘rsatilgan va uning dasturlarini o‘z diapazonida tomosha qilish mumkin.
“Bu holatdan mening ham achchig‘im chiqdi. Biroq uchrashuvlar Rossiyaning ‘Futbol 1’ telekanali orqali takroran namoyish etilmoqda”, — deb yozadi foydalanuvchilardan biri. Yevro—2016 uchrashuvlari vaqtida “Match-TV” o‘rniga UzReport-TV translyatsiyasini ulayotgan provayderlar orasida ISTV ham borligi aytilgan. Boshqa — Turon Telecom, “MTS-TV” kabi provayderlarning abonentlari, shuningdek, parabolik antennadan foydalanuvchilar uchrashuvlar translyatsiyasi vaqtida “Match-TV”da o‘zgarish bo‘lmayotganini ta’kidlagan.
Qayd etish joiz, UzDigital-TV kompaniyasi ham, ISTV kompaniyasi ham Yevro—2016 uchrashuvlari vaqtida “Match-TV” kadrlari o‘rniga UzReport ko‘rsatilishi haqida ogohlantirish bermagan. Ma’lumot uchun, UzDigital-TV kompaniyasining o‘z abonentlari bilan imzolaydigan ochiq ofertasi (pdf) 5.1. bandiga ko‘ra, kompaniya O‘zbekiston hududida translyatsiya etilishiga vakolatli organ tomonidan ruxsat etilgan Telekanallar paketi ro‘yxatini, u yoki bu teledasturlarni qo‘shish yoki olib tashlash yo‘li bilan, abonentlarni ogohlantirmasdan o‘zgartirish huquqiga ega.
Batafsil | Подробно | Read more... Daryo
Top News
-
Qozog‘istonda ichida O‘zbekiston fuqarolari bo‘lgan avtomobil yonib ketdi.
Ikki kishi shifoxonaga yotqizilgan..
-
Франция терма жамоаси Евро-2024 учун якуний таркибни эълон қилди
Франция терма жамоаси матбуот хизмати расмий сайтида 2024 йилги Европа чемпионати учун терма жамоанинг якуний таркибини эълон қилди.
-
Shimoliy Osetiyaga birinchi marta dronlar hujum qildi.
Shimoliy Osetiya rasmiylariga ko‘ra, dronlar Ukraina yo‘nalishidan kelgan. Dronlarning nishoni Mozdokdagi harbiy aerodrom bo‘lgan..
-
Ислом Махачев 2024 йилда иккинчи камар учун жанг қилиши мумкин
Енгил вазн тоифасида UFC чемпиони Ислом Махачев жорий йилда иккинчи камарни ҳам қўлга киритиши мумкин.
-
O‘zbekistonda 10 iyun kuni qanday ob-havo kutilayotgani ma’lum qilindi.
Janubiy hududlarda havo harorati 41 darajagacha ko‘tariladi..
-
Davlat idoralarida qarindosh-urug‘chilikni cheklaydigan qonun qabul qilindi: u kimlarga nisbatan va qanday ishlaydi?.
Davlat idoralaridagi nepotizmga barham berishga qaratilgan qonun davlat fuqarolik xizmatining siyosiy guruhiga kiruvchi lavozimlardan tashqari...