NATO bosh kotibi Rossiya armiyasidagi to‘satdan tekshiruvlarni tanqid qildi

Rossiya armiyasi jangovar tayyorgarligini to‘satdan tekshirishlar boshqa tomonni bunday mashqlar o‘tkazilishi to‘g‘risida ogohlantirish bo‘yicha majburiyatlar bajarilishiga imkon qoldirmaydi. Bu haqda NATO bosh kotibi Yens Stoltenberg 15-iyun, chorshanba kuni Bryusselda ma’lum qildi, deya xabar beradi “Interfaks”. 

Foto: Reuters

“Mazkur to‘satdan tekshiruvlar yuzaga keltiradigan muammolardan biri shundan iboratki, biz kelishuvlar, birinchi galda bunday mashqlar o‘tkazilishi haqida boshqa tomonga ma’lum qilish to‘g‘risidagi Vena hujjatini bajarolmaymiz. Ochiq-oshkoralik, oldindan ko‘ra bilish tamoyillari yo‘qqa chiqadi, mashg‘ulotlarni kuzatishning imkoni bo‘lmaydi”, — deya noligan bosh kotib. 
Eslatib o‘tamiz, 14-iyun, seshanba kuni Vladimir Putin Rossiya qurolli kuchlarida to‘satdan tekshiruv boshlash yuzasidan ko‘rsatma berdi .
Batafsil | Подробно | Read more... Daryo