Germaniyaning “Sankt Pauli” klubi bosh murabbiyi niqobidagi odam bosh murabbiy o‘rniga futbolchining taqdimotida qatnashdi

Ikkinchi Bundesliga ishtirokchisi Gamburgning “Sankt Pauli” futbol klubi hujumchi Marvin Dukshani jamoa safiga qo‘shilgani haqidagi xabarga futbolchi bilan birga bosh murabbiy Evald Linen niqobini taqib olgan noma’lum shaxs suratini ilova qilib, Twitter’dagi sahifasiga joyladi. Bu haqda TJournal xabar bermoqda .

Foto: TJournal

Ma’lum bo‘lishicha, haqiqiy Evald Linen futbolchining taqdimotida ishtirok eta olmagan. Jamoa muxlislari almashinuvni sezganidan so‘ng, bosh murabbiy niqobining surati klubning Twitter’dagi sahifasiga alohida joylashtirildi.
Unikat! #ewaldmaske #fcsp #ducksch pic.twitter.com/J7xpdffLLq
— FC St. Pauli (@fcstpauli) June 15, 2016

Jamoaning transfer haqidagi press-relizida yangi futbolchi, jamoa sport direktori va bosh murabbiyning izohlari keltirilgan. 22 yoshli Marvin Duksha “Sankt Pauli” bilan 2019-yilga qadar mo‘ljallangan shartnoma imzoladi.
Batafsil | Подробно | Read more... Daryo