Buyuk Britaniya bosh vaziri deputat Jo Koksning o‘ldirib ketilishini fojia deb atadi

Buyuk Britaniya bosh vaziri Devid Kemeron milliy parlamentning leyboristlar partiyasidan deputati Jo Koksning o‘ldirib ketilishini fojia deb atadi. Bu haqda “TASS” xabar berdi .

Foto: EPA

“Jo Koksning o‘limi — fojia. U o‘z ishiga sodiq va e’tiborli deputat edi”, — deb yozdi Kemeron o‘z Twitter’ida hamda uning turmush o‘rtog‘i Brendon va ikki farzandiga hamdardlik bildirib qoldi.
Avvalroq Angliyaning Uest-Yorkshir grafligi Birstoll shahrida Jo Koksga qurolli hujum uyushtirilgan edi . Guvohlar so‘zlariga ko‘ra, yovuz niyatli kishi ko‘chada deputatni do‘pposlay boshlagan, unga bir necha marta pichoq bilan zarba bergan, so‘ng to‘pponcha chiqarib, unga o‘q uzgan. Politsiya jinoyatchini qo‘lga tushirdi, u 52 yoshli erkak bo‘lib chiqdi. U jinoyatni nima sababdan amalga oshirgani hozircha noma’lum, biroq hujum chog‘ida “Britaniya eng muhimi”, — deya vaqti-vaqti bilan baqirib turgan.
Batafsil | Подробно | Read more... Daryo