Amerika Kubogi–2016. AQSh terma jamoasi Ekvadorni mag‘lubiyatga uchratib, yarim finalga chiqdi (video)

AQSh mezbonlik qilayotgan futbol bo‘yicha Amerika Kubogi–2016 turniri chorak final uchrashuvlariga start berildi. Dastlabki chorak finalda AQSh termasi Ekvador futbolchilariga qarshi bahs yuritib, 2:1 hisobida g‘alaba qozondi.

Foto: MLS Soccer

Uchrashuvda hisob 22-daqiqada ochildi. AQSh termasi faxriysi Klint Dempsi havolab uzatilgan to‘pga boshi bilan zarba berib, gol muallifiga aylandi. 65-daqiqada Gyasi Zardes amerikaliklar ustunligini oshirdi — 2:0. To‘qqiz daqiqa o‘tar-o‘tmas Mayk Arroyo hisobni biroz qisqartirishga erishdi, ammo bu o‘yindagi so‘nggi gol bo‘ldi.
Shu tariqa, AQSh terma jamoasi yarim finalga yo‘l oldi. Keyingi bosqichda amerikaliklar Argentina va Venesuela o‘rtasidagi uchrashuv g‘olibiga qarshi bahs olib boradi.
Amerika Kubogi–2016
17-iyun, juma
Chorak final bellashuvi
AQSh – Ekvador 2:1 (1:0)
Gollar: 1:0 – 22 Dempsi, 2:0 – 65 Zardes, 2:1 – 74 Arroyo.
AQSh – Gyuzan, Bruks, Kemeron, Bezler, Jonson, Jons, Bredli, Bedoyya (Zusi, 81), Dempsi (Bekkerman, 74), Vud, Zardes (Birnbaum, 90).
Ekvador – Dominges, Mina, Ayovi, Paredes (Ayovi, 82), Eraso, Grueso (Ramires, 72), Noboa (Gaybor, 62), Arroyo, A. Valensiya, Montero, E. Valensiya.
Ogohlantirishlar: A. Valensiya (37), Vud (53), Paredes (64), Bedoyya (73), Gyuzan (84).
Chetlatishlar: Jons (52), A. Valensiya (52).




Batafsil | Подробно | Read more... Daryo