O‘zbekistonning barcha hududlarida Yevro—2016 ni “UzReport” orqali tomosha qilish imkoniyati yaratildi

Fransiya mezbonlik qilayotgan Yevro—2016 bellashuvlarini endilikda butun O‘zbekistonda tomosha qilish mumkin. Bu haqda “UzReport” sayti xabar berdi.

Foto: UzReport



O‘zbekistonning ba’zi raqamli va kabel TV kompaniyalari Yevro—2016 uchrashuvlari vaqtida “Match TV” o‘rniga UzReport-TV’ni namoyish etmoqda


“Ko‘plab futbol muxlislarining talab va istaklarini inobatga olgan holda 17-iyundan boshlab yurtimizdagi hududiy telekanallarda retranslyatsiya qilish bo‘yicha O‘EOAVMA bilan o‘zaro hamkorlik yo‘lga qo‘yildi”, deb yoziladi xabarda.
Shu tariqa Yevro—2016 o‘yinlarini “Muloqot TV” (Qo‘qon), “Ruxsor TV”, “Marg‘ilon TV” (Marg’ilon), “Jizzax TV” (Jizzax), STV (Samarqand), “Istiqlol TV” (Buxoro), “Nasaf TV” (Qarshi), “Ishonch TV” (Termiz), “Ellikqal’a TV” (Qoraqalpog’iston) kabi hududiy telekanallarda kuzatib borish imkoni bor.
Endi viloyatlardagi muxlislar uchun Yevro—2016 bahslarini nafaqat sun’iy yo‘ldosh orqali yoki IPTV xizmatidan foydalangan holda, balki mahalliy telekanallar orqali ham tomosha qilish imkoniyatini taqdim etilgan.
O‘zaro kelishuvga ko‘ra hududiy telekanallar har kuni soat 23:45 da boshlanadigan o‘yinlarni to‘g‘ridan-to‘g‘ri retranslyatsiya qiladi. Soat 20:45 da boshlanadigan uchrashuvlar esa tungi soat 01:45 da yozib olingan holda namoyish qilinadi.


UzReport TV Yevro–2016 o‘yinlarining sharhlarini bir vaqtning o‘zida o‘zbek va rus tilida namoyish etadi



Batafsil | Подробно | Read more... Daryo