Vardi mashg‘ulotlar o‘rniga ichimlik va tamakini afzal ko‘rgani ma’lum bo‘ldi

Futbol bo‘yicha Angliya chempionati bombardiri Jeyms Vardi milliy terma jamoa tarkibida Yevropa chempionati o‘yinlariga trenajyor zalidagi mashg‘ulotlarda qatnashishdan bosh tortdi. Bu haqda “TASS” xabar bermoqda .

Foto: The Mirror

Daily Telegraph nashriga ko‘ra, futbolchi buning o‘rniga energetik ichimliklar va chaynaladigan tamakini afzal ko‘rgan. Gazeta Angliya — Uels o‘yini oldidan mehmonxonadan energetik ichimlik bankasi va tarkibida nikotinning yuqori miqdori bo‘lgan chaynaladigan tamaki qutisi bilan chiqib kelayotgan 29 yoshli Vardi fotosini chop etdi.
“Agar trenajyor zaliga qatnasam, u yerdagi mashg‘ulotlar harakatlarimni sustlashtirib qo‘yadi. Hammaning bir-biridan farqi bor, bu mening yo‘lim. Murabbiylar zalga borishga majburlab ko‘rdi, ammo bundan hech narsa chiqmadi”, — deb bunga izoh berdi Vardi.
Sport tartibini buzganiga qaramay, Vardi 16-iyun kuni Uels bilan o‘yinda hisobni tenglashtirdi: u ikkinchi taymda, gol urishidan atigi 10 daqiqa avval maydonga tushgandi. Terma jamoa o‘shanda 2:1 hisobida g‘alaba qozondi. “Lester” hujumchisi murabbiylar aytganlariga amal qilmay yana raqib darvozasini nishonga olishga qodir yoki yo‘qligi 20-iyun kuni, Angliya terma jamoasining Slovakiyaga qarshi o‘yinida ma’lum bo‘ladi.
Batafsil | Подробно | Read more... Daryo