Kareliyadagi ko‘lda ro‘y bergan po‘rtana oqibatida 14 bola halok bo‘ldi

Rossiyaning Kareliya Respublikasida joylashgan Syamozero ko‘lida cho‘kib ketgan 14 bolaning tanasi suv ostidan olib chiqildi. Bu haqda “Interfaks” xabar bermoqda .

Foto: “TASS”

Tergovning ma’lum qilishicha, yaqin atrofdagi oromgohda dam olayotgan 47 bola va to‘rt nafar yoshi katta kuzatuvchidan iborat guruh Syamozerodan kechib o‘tayotgan paytda po‘rtana boshlangan. Ular ketayotgan suzish vositalari va transportlari ag‘darilib ketgan.
Qutqaruvchilar suv tubidan 14 bolaning jasadi olib chiqilganini xabar qildi.
“14 halok bo‘lgan bolaning tanasi yuzaga olib chiqildi. Bedarak yo‘qolganlar yo‘q, qidiruvlar yakunlandi”, — deb ta’kidladi “Interfaks”ning favqulodda xizmatlardagi manbasi.
Omon qolganlarning 25 nafari Syamozerodagi oroldan evakuatsiya qilingan. Yana 10 kishi shu soatlarda qirg‘oqqa olib o‘tilmoqda.
Batafsil | Подробно | Read more... Daryo