Obama prezidentlik muddati tugaganidan so‘ng LinkedIn orqali ish qidirishi haqida hazillashdi

AQSh prezidenti Barak Obama kelasi yilning yanvarida prezidentlik muddati tugagach, LinkedIn ijtimoiy tarmog‘i orqali ish qidirishini aytib hazillashdi, deb yozadi “TASS”. Bu haqda u Vashingtonda bo‘lib o‘tayotgan investitsiyalar bo‘yicha konferensiyada biznesmenlar qarshisida gapirib o‘tdi.

Foto: EPA

“Yetti oylardan keyin men mehnat birjasiga otlanaman, u yerga borishimdan xursandman, — deya ta’kidladi u. — Men LinkedIn’dan foydalanmoqchiman, ko‘ramiz, bu qanday natija berarkan”.
AQSh prezidenti LinkedIn’da allaqachon o‘z sahifasiga ega. Fevralda u o‘zining maktab davridagi ilk ish tajribasi haqida so‘zlab bergan edi. Ma’lum bo‘lishicha, Obama o‘shanda muzqaymoq sotuvchisiga yordam berib, shirinlikni stakanchalarga quyib berish bilan shug‘ullangan.
Batafsil | Подробно | Read more... Daryo