LG X-seriyali smartfonlarning yangi modellarini taqdim qildi

LG Electronics (LG) kompaniyasi G-seriyali va LG V10 flagman qurilmalariga xos xususiyatlarni o‘zida jamlagan ikkita yangi X-seriyali smartfonini taqdim etdi. LG X power va X style, X cam va X view bilan birgalikda premial funksiyalarga ega o‘rtacha narx segmentidagi LG modellari qatorini to‘ldiradi. Yangi smartfonlarning sotuvi shu oyning oxirida butun dunyo bo‘ylab turli mamlakatlarda yo‘lga qo‘yiladi.

X power. Foto: LG

X-seriyadagi har bir yangi qurilma muayyan talablarga yoki foydalanuvchilarning qiziqishiga javob beruvchi o‘ziga xos xususiyatga ega, masalan, batareyaning oshirilgan quvvati yoki ajoyib dizayn.

X power. Foto: LG

Bejirim korpusli X power eniga atigi 7,9 mm bo‘lib, akkumulyatorning davomli ishlashi zarur bo‘lgan foydalanuvchilarga mo‘ljallangan. 4,100 amper/soatli batareya bilan ta’minlangan smartfon bir marta quvvat olgandan keyin uzoq ishlaydi. Tez quvvatlanuvchi texnologiyali X power boshqa smartfonlardan ikki barobar tezroq quvvat oladi.

X style. Foto: LG

X style — egilgan liniyalari va juda yupqa – 6,9 mm korpusga ega bejirim dizayni bilan ajralib turadi, smartfon qo‘lda olib yurish uchun qulay, u sizning zamonaviy obrazingizni to‘ldirib turadi.

X style. Foto: LG

LG X style “Avtosyomka” rejimini qo‘llaydi: smartfonning frontal kamerasi yuz sohasini topganidan so‘ng avtomatik tarzda ishga tushadi. Ushbu rejim yordamida selfi qilish ancha qulay va oson, suratlar esa yanada tabiiy chiqadi.
Reklama huquqi asosida
Batafsil | Подробно | Read more... Daryo