Toshkentda soyabonlar xiyoboni paydo bo‘ldi

20-iyun kuni Toshkent shahrida kichik soyabonlar xiyoboni paydo bo‘ldi. Bu haqda “Afisha.uz” ma’lumoti asosida “Darakchi.uz” xabar bermoqda . Poytaxtning Sodiq Azimov (M1) ko‘chasidagi yo‘lakcha bo‘ylab 50 dan ziyod rang-barang soyabon osib qo‘yilgan.

Foto: “Darakchi.uz”

Yaqin kunlarda mazkur xiyobon maxsus chiroqlar bilan yoritiladi. Bu esa xiyobonda tungi vaqtda ham sayr qilish imkonini beradi. Soyabonlar installyatsiyasi joriy yilning avgust oyi o‘rtalariga qadar ochiq bo‘ladi.

Foto: “Darakchi.uz”

Portugaliyada ushbu aksiya Umbrella Sky nomi bilan mashhur. Ilk bora 2011-yilda Aguyeda shahridagi tor ko‘chalardan biri rangli soyabonlar bilan “yopilgan” edi. Shundan buyon har yili iyul oyida bu an’ana davom etib kelmoqda. Soyabonlar ostida turli ko‘ngilochar tadbirlar o‘tkaziladi.
Batafsil | Подробно | Read more... Daryo