Rossiya sog‘liqni saqlash vazirligi abituriyentlar uchun tibbiy ma’lumotnomalarni bekor qilishni taklif etdi

Rossiya sog‘liqni saqlash vazirligi oliy o‘quv yurtiga kiruvchilar tibbiy ma’lumotnoma taqdim etishini  bekor qilish bo‘yicha taklif tayyorladi. Mazkur chora shifokorlarni keraksiz hujjatlar bilan o‘ralashib qolishdan xalos etishi ko‘zda tutilmoqda. Bu haqda “Remedium” nashriga tayanib, O‘zbekiston Respublikasi sog‘liqni saqlash vazirligi matbuot xizmati ma’lum qildi .

Foto: “Remedium”

Rossiya sog‘liqni saqlash vazirligi jamoat salomatligi va kommunikatsiyalar departamenti direktori Oleg Salagayga ko‘ra, abituriyentlar uchun tibbiy ma’lumotnoma mamlakatda har yili bolalar va o‘smirlar dispanserizatsiyasi o‘tkazilayotgani tufayli o‘z ahamiyatini yo‘qotgan. Undan voz kechish yiliga 4 milliard rubldan oshiq mablag‘ni iqtisod qilishga imkon beradi. Ularni miokard infarkti yoki insult, shuningdek, yurak va tomirlarda operatsiyalarni boshidan o‘tkazgan bemorlar qabul qiladigan dorilar qiymatining yarmini qoplab berishga yo‘naltirish mumkin.
Batafsil | Подробно | Read more... Daryo