Mushukcha tufayli AQSh televideniyesining jonli efirida to‘xtalish yuz berdi (video)

AQSh televideniyelaridan birida muxbir va operatorning e’tiborini qozongan boshpanasiz mushukcha tufayli jonli efir vaqtida to‘xtalish yuz berdi. Bu haqda ABC News xabar bermoqda .

Kadr: YouTube

Telekanal boshlovchilari Uoshteno okrugi (Michigan shtati) muxbiri Nima Shaffe bilan jonli efirda aloqaga chiqqanida, kamera jurnalistning mushukchani qo‘lga ushlab turgan vaziyatini ko‘rsatdi. Shaffe jonzot taxminan olti haftalik ekanini aytib, o‘zi ishlaydigan telekanal sharafiga uni Baxtli Yetti deb nomlaganini ma’lum qildi.
Shundan so‘ng, mushukcha muxbir bilan o‘ynab ketdi. Teleboshlovchilar esa ushbu holatni jonli efirda kuzatib, bo‘lib o‘tayotgan voqeaga izoh berib turdi. Reportaj yakunida Shaffe mushukchaga vaqtincha boshpana topilganini va unga yangi egalar qidirilishini aytib o‘tdi.




Batafsil | Подробно | Read more... Daryo