Abdulaziz Kamilov BMT Bosh kotibi o‘rinbosari bilan uchrashdi

23-iyun kuni O‘zbekiston Respublikasi Tashqi ishlar vaziri Abdulaziz Kamilov Birlashgan Millatlar Tashkiloti Bosh kotibining o‘rinbosari Jeffri Feltman bilan uchrashdi. Bu haqda TIV matbuot xizmati xabar berdi .

Foto: TIV matbuot xizmati

Suhbat chog‘ida O‘zbekiston va BMT o‘rtasidagi hamkorlikning holati va istiqbollari muhokama qilindi.
Muloqot davomida mintaqaviy masalalarga hamda Orol dengizi ekologik fojiasi oqibatlarini yumshatish bo‘yicha ikki va ko‘p tomonlama dastur va loyihalarni amalga oshirishga alohida e’tibor qaratildi.
Uchrashuvda BMT Rezident-koordinatori, BMT Taraqqiyot dasturining doimiy vakili Stefan Prisner ishtirok etdi.
Jeffri Feltman Toshkent shahrida bo‘lib o‘tadigan Shanxay hamkorlik tashkilotiga a’zo davlatlar rahbarlari Kengashining majlisi ishida qatnashish uchun O‘zbekistonga kelgan.
Batafsil | Подробно | Read more... Daryo