BMT iyulda Suriyadagi 1,2 million fuqaroga yordam ko‘rsatishni rejalashtirgani ma’lum qilindi

BMT iyul oyi davomida Suriyaning 35 tumanidagi 1,2 milliondan ziyod fuqaroga yordam ko‘rsatishni rejalashtirmoqda. Bu haqda tashkilot bosh kotibining gumanitar masalalar bo‘yicha o‘rinbosari Stiven O’Brayen ma’lum qildi, deya xabar beradi “TASS”.

Foto: BMT yangiliklar markazi

“19-iyunda Suriya rasmiylariga qamaldagi, yetib borish qiyin bo‘lgan, front chizig‘ini kesib o‘tishni talab qiladigan aholi punktlarini o‘z ichiga olgan 35 tumandagi 1 220 750 nafar fuqaroga yordam ko‘rsatilishiga ruxsat so‘ralgan iyul oyi rejasi taqdim etildi. Reja hech qanday shartlarsiz ma’qullanishi lozim”, — deya ta’kidlagan O’Brayen.
U iyun rejasi 34 tumandagi 1,1 million kishiga yordam berishni ko‘zda tutganini eslatib o‘tdi. Bosh kotib o‘rinbosariga ko‘ra, Suriya rasmiylari 16 tumanga to‘liq, 13 tumanga qisman borishga ruxsat bergan. Besh manzilga yordam yetkazilishi man etilgan.
Batafsil | Подробно | Read more... Daryo