Barak Obama Buyuk Britaniyadagi referendum natijalaridan xabardor etildi

AQSh prezidenti Barak Obama Buyuk Britaniyada ishtirokchilarining ko‘pchiligi mamlakatning Yevropa Ittifoqidan chiqishi uchun ovoz bergan referendum natijalari haqida xabardor etildi. U yaqin vaqt ichida mazkur natijalarni Britaniya bosh vaziri Devid Kemeron bilan muhokama qilishni rejalashtirmoqda. Bu haqda 24-iyun, juma kuni Oq uy tomonidan tarqatilgan bayonotda ma’lum qilindi, deya xabar bermoqda “TASS”.

Foto: AFP

“Prezident Birlashgan Qirollik referendumidan kelib tushayotgan natijalar haqida xabardor etildi”, — deyiladi bayonot matnida.
Barcha 382 saylov uchastkasidagi byulletenlar hisob-kitobiga ko‘ra, 23-iyun, payshanba kuni bo‘lib o‘tgan referendumda Buyuk Britaniyaning Yevropa Ittifoqi tarkibidan chiqishi tarafdorlari g‘alaba qozondi . Britaniyaliklaring 52 foizi (17,41 million kishi) Britaniyaning Yevroittifoqdagi a’zoligini to‘xtatishi uchun, 48 foizi (16,14 million kishi) esa bunga qarshi ovoz berdi.
Batafsil | Подробно | Read more... Daryo