Poroshenko BMT Bosh Assambleyasida Putindan so‘ng chiqish qiladi

Ukraina prezidenti Pyotr Poroshenko 29-sentabr kuni BMT Bosh Assambleyasining Nyu-Yorkdagi 70-sessiyasida so‘zga chiqadi va tashrifi doirasida bir qator uchrashuvlarni amalga oshiradi. Bu haqda “Korrespondent.net” xabar beradi.

Foto: AP Photo

“Yuqori darajadagi muzokaralarda Ukraina prezident Pyotr Poroshenko boshchiligidagi delegatsiya davlatimiz nomidan ishtirok etadi. Prezident Bosh Assambleya zalida 29-sentabr kuni so‘zga chiqadi va Nyu-Yorkda bo‘lish davomida bir qator ikki tomonlama va ko‘p tomonlama uchrashuvlarda qatnashadi”, — deyiladi Ukrainaning BMTdagi doimiy vakilligi xabarida.
Vakillikning ta’kidlashicha, BMTdagi Ukraina delegatsiyasi faoliyatining asosiy elementi Ukrainaning 2016—2017-yillardagi Xavfsizlik Kengashining doimiy bo‘lmagan a’zolari tarkibiga saylanishi bo‘ladi.
Eslatib o‘tamiz, Rossiya prezidenti Vladimir Putin 28-sentabr kuni BMT Bosh Assambleyasidagi chiqishida sanksiyalar, Suriya va Ukraina haqida gapiradi .
Batafsil | Подробно | Read more... Daryo