Tojikiston-Afg‘oniston chegarasida sodir bo‘lgan otishmada bir nafar kontrabandachi o‘ldirildi

Afg‘onistondan Tojikiston hududiga giyohvand moddalar olib kirishga bo‘lgan navbatdagi urinish chegarada bartaraf etildi. Bu haqda, Tojikiston prezidenti huzuridagi giyohvand moddalar nazorati bo‘yicha agentlikka asoslanib, “Interfaks” xabar bermoqda .

Foto: “RIA Novosti”

22-iyundan 23-iyunga o‘tar kechasi agentlikning Xatlon viloyati boshqarmasi xodimlari chegara qo‘shinlari harbiy xizmatchilari bilan hamkorlikda kontrabandachilarni to‘xtatib qoldi. To‘rt nafar kontrabandachi chegarani buzib o‘tib, Tojikistonning ichiga kirdi. Harbiylar qonunbuzarlarning joylashuvini aniqlab, ularning oldiga qurollarini topshirish talabini qo‘ydi. Bunga javoban jinoyatchilar o‘t ochdi. Otishma asnosida kontrabandachilarning uch nafari Afg‘onistonga qaytib o‘tib ketdi. Otishma joyida 25–30 yosh atrofidagi erkakning jasadi topildi. U kontarabandachilardan biri ekanligi aytilmoqda.
Voqea joyida 3 qopda giyohvand moddalar tashlab ketilgani aniqlandi. Ekspertiza xulosasiga ko‘ra, qoplarda 23,14 kilogramm afyun va 945 gramm gashish moddasi bor.
Musodara qilingan narkotikning umumiy hajmi — 24,085 kilogramm.
Batafsil | Подробно | Read more... Daryo