BMW rahbari Frankfurt avtosaloni ochilishida hushidan ketib yiqildi

Frankfurt xalqaro avtosaloni (Internationale Automobil Ausstellung, IAA) ochilishi va BMW yangiliklari taqdimoti chog‘ida kompaniya rahbari Xarald Kryuger hushidan ketdi. Bu haqda “Gazeta.ru” xabar bermoqda .

Foto: gazeta.ru

Avtosalon ishtirokchilarini qutlab, BMW qo‘lga kiritayotgan yutuqlar, bo‘lajak yangiliklar haqida gap boshlagan Kryuger to‘satdan o‘zini yomon his etib, sahnaga quladi. Uni o‘sha zahoti olib ketishdi, taqdimot esa noma’lum muddatga qoldirildi.
Eslatib o‘tamiz, Frankfurt xalqaro avtosalonida avtomobillar ko‘rgazmasi 15-sentabrda boshlanib, 27-sentabrgacha davom etadi. Unda dunyoning 39 mamlakatidan kelgan yetakchi kompaniyalar 200 dan ziyod yangi avtomobillar taqdimotini o‘tkazishi kutilmoqda.
Birinchi ikki kun ko‘rgazma bozor qatnashchilari va jurnalistlar uchun ishlaydi. 17-sentabrda Germaniya kansleri Angela Merkel tomonidan rasman ochilgach, avtosalonni tomoshabinlar ham kelib ko‘rishi mumkin.
Batafsil | Подробно | Read more... Daryo