Guardian Britaniya ichki ishlar vaziri Tereza Meyni bosh vazir lavozimiga ehtimoliy nomzod deb atadi

Buyuk Britaniya ichki ishlar vaziri Tereza Mey mamlakat bosh vaziri lavozimiga nomzodlardan biriga aylanib, London sobiq meri Boris Jonsonga kuchli raqobatchi bo‘lishi mumkin. Bu haqda Britaniyaning The Guardian gazetasi hukmron Konservativ partiya deputatlariga tayanib xabar berdi, deb yozadi “TASS”. Partiya oktabr boshigacha iste’foga chiqayotgan bosh vazir Devid Kemeron o‘rniga yangi yetakchi tanlashi kerak.

Foto: “Mk-london.co.uk”

“IIV rahbari Tereza Mey konservator deputatlar orasida ‘Borisni to‘xtat’ kampaniyasida eng ommabop variantga aylanmoqda, ushbu deputatlar yangi bosh vazir Buyuk Britaniya Yevroittifoqdan chiqishni yoqlab ovoz bergan bir vaziyatda partiyani birlashtirishini istaydi”, — deb yozdi nashr o‘z elektron versiyasida.
Ayni paytda konservatorlardan hech biri bosh vazir lavozimi uchun kurashish rejalari haqida e’lon qilganicha yo‘q. Ammo, nashr ta’kidlashicha, yevroskeptiklar lagerini boshqargan va Brexit u uchun shaxsiy siyosiy g‘alaba bo‘lgan Jonson — bosh vazir qarorgohini egallash uchun asosiy nomzod.
Eslatib o‘tamiz, Buyuk Britaniya bosh vaziri Devid Kemeron, qirollik aholisi referendumda mamlakatning Yevropa Ittifoqidan chiqishi uchun ovoz berganidan so‘ng, iste’fo berishini ma’lum qilgan edi .
Batafsil | Подробно | Read more... Daryo