Obama: AQSh qiynoqlar qo‘llash amaliyotiga hech qachon murojaat qilmasligi kerak

AQSh qiynoqlarni qo‘llash amaliyotiga hech qachon qaytmasligi kerak. Bunday bayonot bilan AQSh prezidenti Barak Obama Qiynoq qurbonlarini qo‘llab-quvvatlash xalqaro kuni munosabati bilan chiqish qildi, deb yozadi “TASS”.

Foto: EPA

“Bosh qo‘mondon sifatida to‘plagan tajribam mening AQSh qiynoqlarni qo‘llash amaliyotiga hech qachon murojaat qilmasligi kerak, degan maslagimni kuchaytirdi, xolos, — deyiladi Oq uy tarqatgan xabarda. — Bu repressiv rejimlarga dadillik bergan, terrorchilarni yollash va ekstremizmni tarqatish uchun bahona bo‘lib xizmat qilgan, shuningdek, AQShning dunyodagi yaxshilik kuchi sifatidagi obro‘siga ziyon keltirgan bo‘lardi”.
Prezident so‘zlariga ko‘ra, AQSh “o‘tmishdagi xatolarini tan olib”, butun dunyoga odamlar bilan insoniy munosabatda bo‘lish uslublarini tarqatishda yordam berdi.
2014-yil oxirida AQSh Kongressi mamlakat maxsus xizmatlari tomonidan terrorchilikda gumon qilinayotgan shaxslarga nisbatan qiynoqlar qo‘llangani haqida rasmiy hisobot e’lon qilgan, shundan so‘ng prezident Barak Obama “Amerika qadriyatlariga to‘g‘ri kelmaydigan” bunday uslublardan ortiq hech qachon foydalanilmasligini ma’lum qilgandi.
Batafsil | Подробно | Read more... Daryo