Makkajo‘xorini 10 daqiqada qaynatib pishirish siri

“Womanhappiness.ru” makkajo‘xori yumshoq bo‘lib pishishi uchun uni tuzli suvda soatlab qaynatish shart emasligini ma’lum qildi . Jo‘xori qisqa vaqtda mazali va sersuv bo‘lib pishib chiqishi uchun, uni tayyorlashda ikkita oddiy masalliqni qo‘shish kifoya ekan.

Foto: “Womanhappiness.ru”

Avvalo, makkajo‘xori tanlashda uning qandli turiga mansub bo‘lgan va sut olgan (dumbil)larini tanlang.
Zarur masalliqlar:

5 ta makkajo‘xori so‘tasi
suv
1 stakan sut
50 gramm saryog‘

Tayyorlanishi:
So‘talarni qoq o‘rtasidan bo‘lib, idishga soling. Ularni yopib turadigan darajada suv quying va olovga qo‘ying.
Suv qaynab chiqqach, sut va saryog‘ni qo‘shib yuboring.

Foto: “Womanhappiness.ru”

Yana suv qaynashini kuting, shundan so‘ng uni o‘n daqiqaga qoldiring.
Qaynatilgan makkajo‘xorini ustiga tuz sepgan holda torting, shuningdek, unga limon sharbati quyib iste’mol qilinsa ham, mazali bo‘ladi.

Foto: “Womanhappiness.ru”


Batafsil | Подробно | Read more... Daryo