“Layfxaker” Google Chrome uchun 15 ta eng foydali maslahat va tryuklar ro‘yxatini taqdim etdi, ular sizga hech qanday kengaytma (extension, rasshireniye)lardan foydalanmasdan turib, brauzerda ko‘proq narsalarni amalga oshirishda yordam beradi.
Foto: “Techyuga.com”
Veb-sahifalarni PDF formatda saqlash
Skrinshot: “Layfxaker”
Google Chrome ichki PDF-printerga ega. Har qanday sahifani ochib, Ctrl + P’ni bosing va mavjud printerlar orasidan “PDF sifatida saqlash”ni tanlang.
O‘z xohishingizga qarab klavishlar birikmasini yaratish
Skrinshot: “Layfxaker”
Google Chrome’da ko‘plab klaviatura birikmalari mavjud, ammo siz ularni nafaqat o‘zgartirishingiz, balki o‘z birikmalaringizni ham yaratishingiz mumkin.
Tashrif buyurilgan saytlar ro‘yxatini tanlab tozalash
Google Chrome tarixi (chrome://history) “Barchasini tanlash” punktiga ega emas, va masalan, tashrif buyurilgan 20 ta sahifani o‘chirmochi bo‘lsangiz, ularning barchasini “galochka” bilan belgilash kerak bo‘ladi. Ammo, agar birinchi elementni belgilab, so‘ng Shift tugmasini bosib turgan holda sizga zarur chekboksning eng so‘nggisini belgilasangiz, ro‘yxatdagi barcha elementlar belgilanadi.
Chrome do‘konidan tashqaridagi kengaytmani o‘rnatish
Brauzerning so‘nggi versiyalari begona kengaytmalarni o‘rnatishga yo‘l qo‘ymaydi. Buni aldab o‘tish uchun, brauzer menyusiga ishlab chiquvchi rejimini kiritib, brauzer oynasiga CRX kengaytmali faylni sichqoncha orqali olib borish mumkin.
Sekin ishlayotgan Chrome ’ni tezlashtirish
Skrinshot: “Layfxaker”
Brauzer menyusining “Instrumentlar” punktidagi “Topshiriqlar dispetcheri”ni tanlang. Chiqqan ro‘yxatni “Xotira” bo‘limi bo‘yicha saralang, shunda “tormoz”ni osongina topasiz.
Joriy geografik joylashuvingizni o‘zgartirish
Buning uchun “Instrumentlar” menyusini ochib, “Ishlab chiquvchi instrumentlari”ga kiring va konsolni ochish uchun Esc’ni bosing. Emulation vkladkasini ochib, Sensors’ni tanlang hamda kenglik va uzunlikka har qanday raqamlarni kiriting.
Yulduzchalar tagiga yashiringan parolingizni o‘qish
“Ishlab chiquvchi instrumentlari”ni oching, sahifadagi parol maydonini tanlang va maydon turini Password’dan Text’ga o‘zgartiring. Muqobil usul — chrome://settings/passwords vkladkasida zarur parolni topish.
Bevosita manzil qatoriga xat yozish
Xat oluvchining manzili ko‘rsatilgan mailto buyrug‘i (masalan, mailto:recipient@domain.com) Gmail’da yangi xat yozish uchun oynani ochib beradi.
Chrome ’da qaydlar yozish
Buning uchun yangi vkladka ochib, manzil qatoriga
data:text/html, <html contenteditable>
deb kiriting. Vkladkaning ichiga kursorni qo‘yib, matn yozishni boshlang.
Chrome ’dan mediapleyer sifatida foydalanish
Buning uchun audio yoki videofayllar, matnli fayllar, PDF hujjatlarni local diskdan Google Chrome oynasiga tashlang.
Zakladkalar paneliga ko‘proq narsa sig‘dirish
Brauzerning zakladkalar panelidagi elementlarni tahrirlab, saytlar nomlarini o‘chiring. Tahrirlangan elementni saqlaganingizdan so‘ng, panelda faqat saytning ikonkasi qoladi.
Flash’ni faqat zarur vaqtda yuklab, barqarorlikni oshirish
Skrinshot: “Layfxaker”
Chrome://settings/content’ni ochib, “Ulanadigan modullar” menyusidagi “Eshitish/ko‘rish uchun bosing” punktini tanlang. Shunda buni talab qiladigan navbatdagi saytda o‘zingiz ishga tushirmaguningizcha, Flash Player o‘chiq holda qoladi.
Internet aloqasi sekin ishlayotganda mobil qurilmaga “aylanish”
Internet aloqasi kuchsiz bo‘lganida brauzer o‘zini mobil qurilma deb ko‘rsatishi mumkin, shunda ko‘pchilik saytlar o‘zining mobil versiyasini ochadi. Buning uchun “Ishlab chiquvchi instrumentlari”dan Emulation vkladkasiga o‘ting va User Agent punktidagi Android yoki iOS’ni tanlang.
Manzil qatoridan ba’zi linklarni olib tashlash
Manzil qatoriga bir nechta belgi kiritishingiz bilan sizga kalit so‘zlar ro‘yxati ko‘rinadi, ular orasida o‘zingiz avvalroq tashrif buyurgan saytlar linklari ham bo‘ladi. Ularning ba’zilarini o‘chirmoqchi bo‘lsangiz, zarur linkni tanlab, Shift + Delete’ni bosing, shunda u butunlay o‘chib ketadi.
Sahifani Google keshidan ko‘rish
Buning uchun manzil qatoriga zarur linkni tering, uning old qismiga “cache:” deb yozing va Enter’ni bosing. Shunda sizga sahifaning keshdagi versiyasi (u mavjud bo‘lsa, albatta) ochiladi.
Batafsil | Подробно | Read more... Daryo
Related News
Top News
-
![]()
Куда поехать без виз в 2026 году: полный список стран и новые правила въездаБезвизовый список стран 2026. Узнай, куда можно улететь без визы и лишней бюрократии. Источник изображения: uva.nl С хорошими новостями для...
-
![]()
Ислом Исмоилов: "Тактика эмас, характер ғалаба қозонди"Фарғонанинг "Нефтчи" жамоаси Ўзбекистон Суперкубоги учун кечган баҳсда "Пахтакор"ни мағлуб этиб (1:0), бош совринга эга чиқди.
-
![]()
"Боруссия" ўз тарихидаги энг фойдали трансферни амалга оширдиБундеслига ўртамиёнаси — Мёнхенгладбахнинг "Боруссия" клуби шарафини ҳимоя қилаётган ярим ҳимоячи Рокко Райц яқинлашиб келаётган трансфер...
-
![]()
Ученые нашли почти точную копию Земли: что известно о планете TOI-1080 bРадиус всего в 1,2 раза больше земного — по меркам экзопланет TOI-1080 b практически близнец нашей планеты Каждый раз, когда астрономы...
-
![]()
Ekzitpollar: Qozog‘iston yangi konstitutsiya qabul qilinishini qo‘llab-quvvatladi.Qozog‘istonliklarning aksariyati asosiy qonunga o‘zgartishlar kiritishni qo‘llab-quvvatladi, bu ekzitpol natijalarida aks etgan. Dastlabki...
-
![]()
"МЮ" Эдерсон учун катта чегирма олди«Аталанта» ярим ҳимоячиси Эдерсон келаётган ёзда «Манчестер Юнайтед»га кўчиб ўтиши мумкин.
