Turkiya prezidenti Su-24 uchuvchisining halokati uchun Putindan uzr so‘radi

Turkiya prezidenti Rajab Toyyib Erdo‘g‘on rossiyalik hamkasbi Vladimir Putindan urib tushirilgan Su-24 samolyoti uchuvchisining o‘limi uchun uzr so‘radi. Bu haqda Dmitriy Peskov bayonot berdi, deb yozmoqda TJournal.

Foto: TJournal

“Rossiya Federatsiyasi prezidenti Vladimir Putinga Turkiya prezidenti Erdo‘g‘ondan kelgan murojaatda Turkiya yetakchisi Rossiya harbiy samolyoti halokati bilan bog‘liq vaziyatni iziga tushirishga qiziqish bildirdi”, — dedi Peskov.
Kreml vakilining ta’kidlashicha, “Turkiya rahbari halok bo‘lgan rossiyalik uchuvchining oilasiga samimiy hamdardlik va afsuslarini bildirdi”.
“U ‘Kechirasizlar’ dedi hamda Rossiya bilan do‘stlik munosabatlarini tiklash uchun qo‘lidan kelgan ishni qilishga tayyorligini aytdi”, — qo‘shimcha qildi Peskov.
Shuningdek, murojaatda Erdo‘g‘on rossiyalik harbiyning halokatiga aloqador Turkiya fuqarosiga nisbatan tergov ishlari davom etayotganligini uqtirgani aytilmoqda.
“Turkiya tomoni marhumning tanasini suriyalik muxolifatchilardan olib, Turkiyaga yetkazish bilan bog‘liq tahdidlarni o‘ziga oldi va bu yo‘lda katta ishlarni amalga oshirdi”, — dedi Peskov.
2015-yilning 24-noyabr kuni Turkiyaning F-16 qiruvchisi Rossiyaning Su-24 samolyotini urib tushirdi. Rasmiy Anqara Rossiya harbiy samolyoti Turkiya havo chegarasini buzganligini e’tirof etmoqda, Kreml esa buni rad etib, havo kemasi Suriya hududidan o‘tmaganini uqtirmoqda.
Samolyot uchuvchisi Oleg Peshkov katapulta yordamida kemani tark etdi, ammo havodaligida qurolli shaxslar tomonidan otib tashlandi. Unga o‘limidan so‘ng Rossiya Qahramoni unvoni berildi.
Bu voqea Turkiya va Rossiya o‘rtasidagi munosabatlarning keskin yomonlashuviga sabab bo‘ldi.
Batafsil | Подробно | Read more... Daryo