Yevro–2016 dagi ehtirosli sharhi bilan tanilgan islandiyalik sharhlovchi asosiy ishidan ayrildi

Yevro–2016 turnirida Islandiya va Avstriya ( 2:1 ) o‘rtasidagi uchrashuvini ehtirosli sharhlash  bilan tanilgan Islandiyalik Gudmundur Benediktsson “Reykyavik” futbol klubi bosh murabbiyi assistenti lavozimidan ozod etildi. Bu haqda “Korrespondent.net” xabar berdi .

Foto: “Korrespondent.net”

Ma’lum bo‘lishicha, Benediktsson professional sharhlovchi emas. Uning asosiy ish joyi “Reykyavik” futbol klubi bo‘lgan va u jamoa bosh murabbiyi yordamchisi bo‘lib ishlagan.


Video: Islandiyaning g‘alabasidan deyarli bo‘g‘ilib qolgan sharhlovchi


Islandiya va Avstriya uchrashuvidan so‘ng ehtirosli sharhlovchi uyiga qaytdi va ertasi kuni “Reykyavik” chempionat doirasida navbatdagi o‘yinini o‘tkazdi. Jamoa so‘nggi 6 o‘yindan 5 tasida mag‘lubiyatga uchragan va 12 klub orasida 9-o‘rinni egallab kelayotgandi. Navbatdagi uchrashuv ham 1:2 hisobida boy berildi. Natijada “Reykyavik” rahbariyati bosh murabbiy Byarni Gudyonsen va uning murabbiylar shtabini, shu jumladan,  Benediktssonni iste’foga chiqardi.


Yevro–2016 dagi muvaffaqiyatli ishtirokidan so‘ng Islandiya termasi futbolkalarining sotuvi 1800 foizga oshdi


Taxminlarga ko‘ra, Gudmundur Benediktsson Yevro–2016 nimchorak finalidan o‘rin olgan Angliya – Islandiya o‘yinini sharhlash uchun taklif etiladi. Mazkur uchrashuv Toshkent vaqti bilan 28-iyunga o‘tar kechasi yarim tunda bo‘lib o‘tadi.
Batafsil | Подробно | Read more... Daryo