Erdo‘g‘onning matbuot xizmati Putindan uzr so‘ralganini tasdiqladi

Turkiya prezidenti Rajab Toyyib Erdo‘g‘on Rossiyaning urib tushirilgan Su-24 samolyoti uchuvchisining o‘limi munosabati bilan uning oilasiga hamdardlik bildirdi. Buni Turkiya yetakchisining matbuot xizmati tasdiqladi, deb xabar bermoqda “Interfaks”.

Foto: AA Photo

“Shuni aytmoqchi edimki, rossiyalik uchuvchi oilasining qayg‘usiga sherikman va unga hamdardligimni bildiraman. Bo‘lib o‘tgan voqea uchun avf eting”, — deb yozilgan edi maktubda. Ushbu satrlarni Turkiya prezidenti vakili Ibrohim Qalinga tayangan holda Hurriyet nashri keltirdi.
O‘z navbatida, Turkiya mudofaa vaziri Fikri Ishiq, bu maktubga izoh berarkan, “Biz Rossiya bilan munosabatlarda yuz beradigan jiddiy siljish ostonasida turibmiz”, dedi.
Eslatib o‘tamiz, Kreml rasmiy vakili Dmitriy Peskov Erdo‘g‘on Rossiyaning Turkiya qiruvchisi tomonidan urib tushirilgan Su-24 samolyoti uchuvchisining halokati yuzasidan Putindan uzr so‘ragani haqida  bayonot berdi . Turkiya rahbarining matbuot xizmati dastavval bunga izoh berishdan bosh tortdi .
Batafsil | Подробно | Read more... Daryo