Gruziyada AQSh bilan hamkorlikdagi Jackal Stone 2016 harbiy mashg‘ulotlari bo‘lib o‘tadi

Gruziya va Amerika maxsus topshiriqli kuchlarining birgalikdagi Jackal Stone 2016 harbiy mashg‘ulotlari 2016-yil avgustida Gruziyada bo‘lib o‘tadi, deb yozadi “TASS” Gruziya mudofaa vazirligiga tayanib.

Foto: Getty Images

“Jackal Stone 2016 bizning inqirozlarni boshqarish tizimimiz qanchalik samarali ekanligi bo‘yicha yaxshi sinov bo‘ladi va ushbu tizim ishga yaroqli bo‘lishi uchun nimani yaxshilash kerak ekanligini ko‘rsatib beradi”, — dedi Gruziya Qurolli kuchlari Bosh qarorgohi boshlig‘i Vaxtang Kapanadze.
Manyovrlarda Yevropa qo‘mondonligi va AQSh armiyasi maxsus topshiriqli kuchlari qo‘mondonligining 500 ga yaqin harbiy xizmatchisi ishtirok etadi. Gruziya tomonidan mashg‘ulotlarga ichki ishlar vazirligi va davlat xavfsizligi xizmatining 130 vakili jalb etiladi.
Harbiy mashg‘ulotlar ssenariysi aksilterrorchilik va politsiya operatsiyalarini o‘tkazishni ko‘zda tutadi, ularda razvedka aviatsiyasi va transporti elementlaridan faol foydalaniladi.
Batafsil | Подробно | Read more... Daryo