Argentina prezidenti va Diyego Maradona Messini terma jamoada qolishga chaqirdi

Argentina prezidenti Maurisio Makri hamda sobiq futbolchi Diyego Maradona futbol bo‘yicha mamlakat termasi hujumchisi Lionel Messini jamoa safida qolishga chaqirdi. Bu haqda Ultimas Noticias xabar bermoqda .

Foto: EFE



Messi Argentina terma jamoasidagi faoliyatini yakunlaganini e’lon qildi


Argentina prezidenti futbolchi bilan telefon orqali aloqaga chiqib, uning mamlakat termasidagi o‘yinlaridan faxrlanishini aytdi va uni yog‘ilib kelayotgan tanqidlarga e’tibor bermaslikka chaqirdi. Shuningdek, Maurisio Makri Twitter’dagi sahifasida futbolchini quyidagi so‘zlar bilan qo‘llab-quvvatladi. “Umid qilamanki, dunyodagi eng yaxshilarni ko‘rish quvonchi uzoq yillar davom etadi”, – deb yozdi Argentina prezidenti.


Messi ortidan Maskerano va Aguero ham Argentina termasidagi faoliyatini tugatdi


O‘z navbatida Argentina futboli afsonasi Diyego Maradona Messini Rossiyada bo‘lib o‘tadigan JCh–2018 turnirida ishtirok etishga chaqirdi. “Jamoa oldinga bora oladigan futbolchilarga tayanishi kerak, undan ketadiganlarga emas”, – dedi Maradona.
Lionel Messi 27-iyun kuni Chiliga qarshi ( 0:0, penaltilar bo‘yicha: 2:4 ) Amerika Kubogi–2016 finalida uchralgan mag‘lubiyatdan so‘ng terma jamoadagi ishtirokini yakunlashi haqida e’lon qildi . Shundan so‘ng, 29 yoshli futbolchi mamlakat terma jamoasini tark etish sabablarini tushuntirib berdi .


So‘rovnoma: Lionel Messining Argentina terma jamoasidagi faoliyatini yakunlaganiga sizning munosabatingiz qanday?


“Men to‘rtta finalda o‘ynadim, lekin taqdir emas ekan. Men bor kuchim bilan Argentinani chempion qilishga urindim. Lekin bu amalga oshmadi. Uddalay olmadim. O‘ylashimcha, bu hammaga yaxshi, menga ham, buni istayotganlargayam. Qaror qabul qilindi. Ko‘p urindim, ammo o‘xshamadi”, — dedi argentinalik futbolchi.


Messining ko‘z yoshlari, Chili termasining quvonchi. Amerika Kubogi–2016 finalidan fotoreportaj


Lionel Messi Argentina terma jamoasi safida 2005-yildan buyon to‘p surib kelayotgandi. 113 o‘yinda hujumchi 55 ta gol kiritishga muvaffaq bo‘lgan.
Batafsil | Подробно | Read more... Daryo