BMT: Davolash mumkin bo‘lgan xastaliklardan 15 yil ichida 69 million bola vafot etishi mumkin

Yaqin 15 yil ichida dunyoda 69 million bola besh yoshga yetmasdan, davolash va oldini olish mumkin bo‘lgan infeksiya va xastaliklardan vafot etishi mumkin. Bu haqda YuNISEFning oxirgi hisobotida qayd etilgan, deya xabar bermoqda “RIA Novosti”.

Foto: “RIA Novosti”

BMT Bolalar jamg‘armasining ma’lumotlariga qaraganda, 2030-yilgacha 750 millionga yaqin yosh qiz turmushga uzatiladi, 167 million bola kambag‘allikda yashaydi. Hisobot mualliflari eng muammoli hudud sifatida Sahroi Kabirdan janubdagi Afrika mamlakatlarini qayd etdi. Ushbu hududda yuqoridagi 69 million bola o‘limining yarmiga yaqini to‘g‘ri kelmoqda.
Hozirgi paytda ko‘rsatilgan hududda kamida 247 million bola, ya’ni uchdan ikki qismi kambag‘al sharoitda yashamoqda yoki rivojlanish shart-sharoitlaridan mahrumdir. 20—24 yoshdagi 60 foiz odam to‘rt sinfgacha bo‘lgan ta’limga ega emas.
Batafsil | Подробно | Read more... Daryo