Milliy kutubxonada “Toshkentning ulkan yuragi” hujjatli filmi taqdim etildi

Toshkentdagi O‘zbekiston Milliy kutubxonasida “Toshkentning ulkan yuragi” hujjatli filmining taqdimoti bo‘lib o‘tdi, deya xabar bermoqda “Kultura.uz”. Tadbirga film yaratuvchilari, dramaturglar, ssenariynavislar, ishtirokchilar, kinotanqidchilar va kutubxona foydalanuvchilari tashrif buyurdi.

Foto: “Kultura.uz”

“Film dahshatli urushning qonli qizil ipi bilan bir-biriga chirmashib ketgan o‘nlab hikoyalar, taqdirlarni, chuqur, o‘tkir nigohli och va hurkak bolalar tasvirlangan urush yillari xronikasini o‘z ichiga sig‘dirdi”, — deyiladi maqolada.
Kartinada urush yillarida O‘zbekistonda yashagan, keyinchalik boshqa joylarga ko‘chib ketgan kishilar mamlakatning bag‘rikeng odamlariga minnatdorlik so‘zlarini bildirgan.
Ta’kidlanishicha, to‘rt yil davomida O‘zbekiston 1,5 million qochoqni qabul qilgan. Ularning 400 mingini bolalar, 250 mingdan ortig‘ini yahudiylar tashkil etgan.
Kartina ssenariysi taniqli jurnalist B. Boboyev qalamiga mansub. Unga H. Valiyev rejissorlik qildi.
Batafsil | Подробно | Read more... Daryo