Google foydalanuvchilarga zilzilalar haqida xabar berishi ma’lum qilindi

Google foydalanuvchilarga zilzilalar, shuningdek, ular bilan bog‘liq xatarlar haqida tezkor ma’lumotlarni taqdim etishni boshlaydi. Bu haqda dasturiy ta’minot mualliflaridan biri Kris Kaytl kompaniya rasmiy blogida ma’lum qildi, deya xabar beradi “TASS”.

Foto: EPA

“Endi yerosti silkinishlarini payqagan foydalanuvchilar ‘zilzila’, ‘mening yaqinimda zilzila’ yoki shunga o‘xshash so‘rovlar orqali Google’dan to‘g‘ridan-to‘g‘ri va o‘z vaqtida ofat haqida ma’lumot olish imkoniga ega bo‘ladi. Jumladan, zilzila markazi qayerda joylashgani, uning magnitudasi, ko‘lami, shuningdek, tabiiy ofat paytida nima qilish kerakligi to‘g‘risida ma’lumotlar taqdim etiladi. Shuningdek, servis orqali silkinishlar takrorlanishi yoki yo‘qligi, ularni qachon kutish haqida ham bilish mumkin”, — deya ta’kidlagan Kaytl.
Muallif tizim qachon ishlay boshlashiga aniqlik kiritmadi, biroq bu yaqin orada amalga oshishiga shama qildi.
Batafsil | Подробно | Read more... Daryo