O‘zbekistonning tog‘li hududlarida 2-iyul kuni yog‘ingarchilik kuzatiladi

O‘zbekistonning ba’zi tog‘li hududlarida 2-iyul kuni kuchli shamol va yog‘ingarchilik kutiladi. Bu haqda “O‘zgidromet” markazi xabar bermoqda .

Katta Chimyon cho‘qqisidan manzara. Foto: Facebook / Ferooz Ibadullaev

Xabar berishlaricha, 2-iyulga o‘tar kechasi O‘zbekistonning tog‘li hududlarida havo harorati +12…+17 daraja, Toshkent shahrida +22…+24 daraja, qolgan hududlarda +20…+25 daraja iliq bo‘ladi.
2-iyul kuni kunduzi tog‘li joylarda havo harorati +25…+30 daraja, Qoraqalpog‘iston Respublikasi va Xorazm viloyatida +33…+38 daraja, Toshkent shahrida esa +37…+39 daraja issiq bo‘ladi.
Buxoro, Navoiy, Toshkent, Samarqand, Jizzax, Sirdaryo, Andijon, Namangan va Farg‘ona viloyatlarida +35…+40 daraja, Qashqadaryo va Surxondaryo viloyatlarida esa +37…+42 daraja issiq bo‘ladi.
O‘zbekistonning ba’zi tog‘li hududlarida qisqa muddatli yomg‘ir yog‘ishi va momaqaldiroq bo‘lishi, shamolning tezlishi soniyasiga 15—20 metrgacha kuchayishi mumkin.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.

Batafsil | Подробно | Read more... Daryo