Checheniston poytaxtida Qadr kechasi oldidan 30 ming kishilik iftor dasturxoni yozildi

Checheniston poytaxti markazida uyushtirilgan Rossiyadagi eng ommaviy iftorga 30 mingdan ortiq kishi keldi. Ular uchun umumiy uzunligi 18 kilometr bo‘lgan 2,5 ming stolda dasturxon yozildi. Bunday tadbir Grozniyda birinchi bor o‘tkazilishi, deya xabar beradi “TASS”.

Foto: Grozniy meriyasi matbuot xizmati

“Iftorga nafaqat respublikaning turli burchaklari, balki qo‘shni mintaqalar, jumladan, Ingushetiya, Qorachoy-Cherkess va Dog‘istondan ham mehmonlar keldi. Maydonga uchta oshxona o‘rnatildi va oshpazlar Kavkaz hamda Osiyo taomlarini tayyorladi. Maxsus konsert dasturi davomida diniy qo‘shiqlar ijro etildi”, — deya ma’lum qilgan Grozniy meriyasi matbuot xizmati.
Grozniydagi markaziy jome’ masjidi imomiga ko‘ra, ommaviy iftor qatnashchilariga Payg‘ambar (s.a.v.)ga tegishli tabarrruk narsalarni ko‘rish imkoniyati yaratildi. Tadbir Ramazon oyining 27-kuni nishonladigan Qadr kechasi oldidan o‘tkazildi.
Ahmad hoji Qodirov fondi hisobidan tashkil etilgan iftorda Checheniston rahbari vazifasini bajaruvchi Ramzan Qodirov ishtirok etdi.
Batafsil | Подробно | Read more... Daryo