FIFA prezidenti Janni Infantino JCh–2018 uchrashuvlarida ayol hakam ishlashini taklif qildi

Xalqaro futbol federatsiyalari uyushmasi (FIFA) prezidenti Janni Infantino Rossiyada bo‘lib o‘tadigan JCh–2018 turniri uchrashuvlarida ayol hakam ishlashini taklif qildi. Bu haqda “TASS” xabar bermoqda .

Foto: Getty Images

“JCh–2018 turniri borasida taklifim bor. Rossiyada bo‘lib o‘tadigan jahon chempionati uchrashuvlarida ayol hakam ishlasa yaxshi bo‘lardi. FIFA bu masala ustida ish olib borib, imkoniyatlarini ko‘rib chiqadi”, – dedi Infantino.
Agar Infantinoning taklifi qabul qilinsa, jahon chempionatining final bosqichida ilk bor ayol hakam ishlaydi. Bundan avval ayol hakamlar yevrokuboklarda va xalqaro turnirlarning saralash uchrashuvlarida ishlagan.
Ma’lumot uchun, futbol bo‘yicha jahon chempionati 2018-yilning 14-iyunidan 15-iyuliga qadar Rossiyaning 11 shahri – Moskva, Sankt-Peterburg, Qozon, Sochi, Nijniy Novgorod, Samara, Kaliningrad, Yekaterinburg, Saransk, Volgograd va Roston-Donda, jami 12 ta stadionda bo‘lib o‘tadi.
Batafsil | Подробно | Read more... Daryo